لو كنا نقتصد فى أحلامنا
او كنا نستلهم الواقع فى خلق الأحلام
لما ذقنا طعم الاسف والخيبة

جت في وقت صعب.. وحاسة إني بعد الرواية غير قبلها... وأظن إني هرجعلها مرات كمان قدام ربما ساعتها أعرف أكتب حاجة على قدر الواية.

أدب نجيب محفوظ لا يخذلك أبدا.

كل ما أقلب ف التلفزيون ويكون الفيلم ده شغال بابا يقولى : سيبه ده من علامات السينما المصرية :D


فبقوم وأسيبه لحد ما جت الفرصة إني أشتري الرواية و قررت أخيرا أقرأها وكويس إني مشوفتش الفيلم قبل ما أقرأ الرواية
والحمد لله عجبتنى بعد 10 محاولات مع نجيب محفوظ
الرواية شدتنى جدا من أول صفحة و قرأت 100 صفحة تقريبا في أول قعدة خصوصا إنها بعيدة عن جو الفتوات بتاع نجيب ده
لكن بعد كده المنحنى بدأ ينزل و بدأت أمل م الرواية
و لكن ف التلت ألأخير بالتحديد أول ما حسنين نجح ف البكالوريا و بدأت الأحداث تبقى مشوقة تانى
عجبتنى جدا شخصية فريد أفندي و حسين
وسعادة البك : خصوصا لما قال إنه مبيقولش لأ لو حد جاله ف مساعدة و شعوره إنه في حد محتاجله بيبسطه جدا :)
و نظرة حسن للحياة و إنه إزاي فاهمها أوي كده
و كرهت حسنين وأنانيته وغروره
الحوارات الداخلية للأبطال عجبتنى جدا و عجبنى فهم نجيب لنفسيه كل شخصية
لكن معجبنيش أنه كرر على لسان نفيسه إنها دميمة أو مش حلوة معتقدش ان بنت ممكن تكرر الكلمة دي بالشكل ده او ان بنت تقول على نفسها مش حلوة
عجبتنى بردو النهاية برغم غرابتها

طبعا مش لازم أقول إن الرواية افضل م الفيلم عشان بتوصف نفسية الأبطال ف مواقف معينة و تفسرلك ليه البطل اتصرف كده .... إلخ
لكن أفضل ما في الفيلم هي الموسيقى التصويرية الكئيبة التى تتناسب مع كآبة الفيلم والرواية طبعا

مناسبة جدا لجو الرواية بس مقدرتش ألاقي ال track لوحده :(

ألقاك يا نجيب ف أول أجزاء الثلاثية في شهر فبراير إن شاء الله

الموت هو البداية و النهاية للفقراء، مولودين أموات، المجتمع بيطحنهم و القدر بيحط عليهم.
أكتر رواية جذبتني لنجيب.. أنا أبطالها.
اتفرجت كتير على مشهد النهاية و عمري ما شوفت الفيلم كامل، و برغم إن النهاية كانت معروفة بس الوصف جذبني، موتني معاهم.
عادةً، بعد ما بخلص رواية لنجيب بشوف الأجانب رأيهم إيه عنها، كل رواية كانت بتتكتب ملخصات مش آراء، الرواية دي أغلب الأجانب بيمدحوا في نجيب و يدوا من أربع لخمس نجوم و أكتر تعليق عليها وصفه لدواخل النفس و التفكير.. دا رأيهم بالرغم إنهم بيقروا الترجمة، لو بيعرفوا يقروا عربي هيقيموها بأعلى من كدا.
مرة بقلب في جود ريدز لقيت واحد كاتب تعليق على رواية مش فاكر اسمها "طول مانتا بتقرا لنجيب بتكون مستمتع بسهولة لغته و عدم تكلفه و أول ما تخلص و تمسك ورقة و قلم و تحاول تكتب تلاقي نفسك مش عارف تكتب حاجة"
في الآخر حسين الطيب هو اللي عاش.


ما بين مشهد انتحار نفيسة و لحظة انتحار حسنين و كمية البؤس و الكآبة اللي بيصورها نجيب، يرمي جملة تحبط أكتر "إن أحلام الغريق اليائسة بالنجاة أشبه بأحلام الشقي بالسعادة، كلتاهما أمنية ضائعة."

و اسم "بداية و نهاية" و انحشار الفقير بين شقي الرحا "المجتمع و القدر"، و إن مهما حاولت تغير شقاك في الحياة و المجتمع نسيك القدر مش هيسبك في حاله.

و تضحية حسين بمستقبله و طيبته و هو الوحيد الناجي، و تضحية نفيسة بشرفها عشان حسنين الأناني اللي دفعها للانتحار، و انتحاره كان هروب من مواجهة المجتمع مش حزن على انتحار أخته.

أنت مش معقول يا نجيب!

ماذا جنت الأسرة حتى تستحق هذا كله ؟

تساؤل في محله و إن كان مناسب لواقع الحياة , بؤس و إحباط و خذلان و آمال و رغبة و سخط و طمع فى تلخيص لإبداع نجيب محفوظ فى تصوير معاناة أسرة فقدت عائلها الوحيد و مصدر رزقها فتخبطت و عانت و ذاقت امر العيش .

رواية بؤسها صيغ في صورة مُبهرة مع تصوير لوضع اسرة عاشت دائماْ بين خيارين كلاهما مر فواجهته الام بالصبر و التحمل و واجهه الاخ الاكبر بالاستهتار و عدم الاكتراث و شارك الاخ الاوسط الام فى تحملها و صبرها و كان لها خير معين و كان الاخ الاصغر على تضحيات الاخرين فى سبيله اكثرهم جحودْا و سخط و طمع فكانت نهايته نتيجة لجحوده و ما ترتب ليه من كره للواقع نتيجة لما وصل إليه اخيه الاكبر و اخته التى سقطت فى الهاوية فى البداية على أمل الحب و الزواج و اخيرْا لإرضاء رغبة مشتعلة داخلها دفعتها لما انتهت إليه .

إن محاولة الغريق اليائسة للنجاة أشبه بأحلام الشقي بالسعادة .... كلتاهما أمنية ضائعة

قرأتها منذ أكثر من شهر ...
ومازالت الأحداث بذهني ولغة الكاتب سهله ورائعه ..
هي أول رواية قرأتها للأديب المبدع نجيب محفوظ ولعلي أحسنت الاختيار:)
رواية رائعه تستحق أن تقرأ

رواية كئيبة ومؤلمة لكنها بلاشك واحدة من روائع نجيب محفوظ

لم أملك سوى الغوص مع العائلة فى جميع أحداثها وبؤسها .

روايه ماساويه ولكن جسدت حال اسره فقيره بطريقه جعلتنى انصهر داخل الروايه واترقب النهايه بفارغ الصبر ، والذى جعلها تحظى ب 4 نجوم بدلا من 5 ، أن النهايه لم تكن مثلما توقعت أن تكون ولم تشبع عقلى ، ولكن ف المجمل روايه تستحق القراءه وتضاف إلى قائمه رواياتى المفضله وأكن لها الفضل فى كونها خير بدايه لقراءات هذا العام ♥️

ايه الرواية دى ؟؟
ازاى قدر انه يوصف الشخصيات بالشكل الرهيب ده ؟؟
طريقة وصفه لشخصية حسنين فى حد ذاتها عبقرية
الانسان الانانى المستغل المتشائم اللى ممكن يضحى باى حاجة فى سبيل طموحه
تقريبا الرواية كلها فى كفة
و اخر كام صفحة لما العسكرى طلب حسنين دى فى كفة تانية
المشهد الاخير
اللي جمع الصراع الضمير و التفكير في المستقبل و المصير و السكون و الهدوء و التوتر مرعب
المشهد ده ميتوصفش
تقريبا كل ما اقرأ له حاجة اقول اكيد معرفش يكتب احلى منها
و كل مرة بطلع غلط ..